Երևանի կամավորական ստորաբաժանումը կգլխավորի քաղաքապետ Հայկ Մարությանը

ՀՀ վարչապետ Նիկոլ Փաշինյանը երեկ հանդես եկավ քաղաքապետերին ու մարզպետերին ուղղված կոչով՝ կազմելու կամավորական ջոկատներ և մեկնելու առաջնագիծ։ Վարչապետի այդ կոչին ընդառաջ Երևանի քաղաքապետարանի մամուլի խոսնակ Հակոբ Կարապետյանը ֆեյսբուքյան իր էջում գրել է, որ Երևանում ևս սկսվել է կամավորական ջոկատների կազմավորումը։

«Երևանի կամավորական ստորաբաժանման կազմավորումը ընթացքի մեջ է։

Ստորաբաժանումը կգլխավորի քաղաքապետ Հայկ Մարությանը»,- գրել է նա։