Հենրիխ Մխիթարյանը որոշել է մնալ Ռոմայում

Կիսապաշտպան Հենրիխ Մխիթարյանը որոշ ժամանակ կասկածում էր՝ արդյոք նա պետք է մնա «Ռոմայում», հաշվի առնելով, որ հաջորդ մրցաշրջանից թիմը կգլխավորի Ժոզե Մոուրինյոն, հայտնում է Calciomercato-ն:

Այնուամենայնիվ, հայ կիսապաշտպանը որոշել է շարունակել խաղալ հռոմեացիների կազմում:

Ըստ աղբյուրի՝ «Ռոման», որտեղ Մխիթարյանը ստանում է երեք միլիոն եվրո աշխատավարձ մեկ մրցաշրջանում, գումարած մեկ միլիոն բոնուս, նույնպես շահագրգռված է նրան պահելու հարցում։

Մոուրինյուն ու Մխիթարյանը միասին աշխատել են «Մանչեսթեր Յունայթեդում»:

Ավելի վաղ իտալական մամուլում լուրեր էին շրջանառվում, որ Մխիթարյանի ծառայություններով հետաքրքրված են «Միլանը» և «Յուվենտուսը»։