Սյունիքի նախկին մարզպետը պնդում է, որ այժմ Սյունիքի երկայնքով 1000-ից ավելի ադրբեջանական զինված ուժերի ներկայացուցիչներ կան
Սյունիքի նախկին մարզպետը պնդում է, որ այժմ Սյունիքի երկայնքով 1000-ից ավելի ադրբեջանական զինված ուժերի ներկայացուցիչներ կան:
Նրա խոսքով` երկու օր առաջ ադրբեջանցիներն ընդլայնվել են ինչպես Սյունիքի սահմանի երկայնքով, այնպես էլ դեպի Գորայք։
Այսօր հրավիրված ասուլիսի ժամանակ տեղեկությունը հայտնեց Սյունիքի նախկին մարզպետ, «Հայաստան» դաշինքի անդամ Վահե Հակոբյանը։
«Իրավիճակը շարունակվում է մնալ ստաբիլ լարված։ Կարծում եմ եթե մի քիչ էլ այսպես շարունակվի, սյունեցիները կսկսեն համակերպվել, որ մեր տարածքում տեղաբաշխված է Ադրբեջանի ԶՈւ–ն»,–ասաց Հակոբյանը։
Նրա խոսքով իշխանության և պաշտպանության նախարարության ներկայացուցիչները կորցնում են իրավիճակի նկատմամբ վերահսկողությունը։
Հակոբյանը կարծում է, որ բանակցային գործընթացը մտնում է փակուղի, եթե արդեն չի մտել։
Նրա տեղեկություններով իշխանությունը չգիտի ինչ անել, քանի որ իրավիճակն ուժի միջոցով լուծելու պահը բաց են թողել։
