Լրահոս

Պատրաստ եմ մեկնել Ադրբեջան, պատանդի կամ որևէ այլ կարգավիճակով հայ ռազմագերիների վերադարձի պայմանով. Աշոտ Փաշինյան



Պատրաստ եմ մեկնել Ադրբեջան, պատանդի կամ որևէ այլ կարգավիճակով հայ ռազմագերիների վերադարձի պայմանով, միշտ պատրաստ եմ եղել և կլինեմ, ֆեյսբուքյան էջում գրել է ՀՀ վարչապետի պաշտոնակատար Նիկոլ Փաշինյանի որդին՝ Աշոտ Փաշինյանը:

«Որոշ քաղաքական շրջանակներ, շահարկելով այս թեման, կարծում են, որ մեր համար սեփական եսը, ընտանիքը կարմիր գծեր են հայրենիքի առաջ մատուցած ծառայությունների շրջանակում: Էնտեղ, որտեղ կա Հայաստանի Հանրապետություն, կա հայրենիք, կա ապագա մենք չունենք կարմիր գծեր, պատրաստ ենք կռվել, զոհվել, զոհաբերել ինքներս մեզ: Նրանց բոցաշունչ ելույթները, անշուշտ, պետք է նշանակեն, որ նրանք գիտեն իրատեսական գեթ մեկ տարբերակ «գործարքը» իրականացնելու, ինչը ես ինքս երբեք չեմ իմացել, հենց այդ պատճառով լռել եմ պատրաստակամությանս մասին: Եվս մեկ անգամ ասում եմ՝ պատրաստ եմ ամեն պահի: Թող զբաղվեն, այլ դեպքում նրանց ելույթներն ու արտահայտությունները լոկ էժանագին շանտաժ են, որոնք փորձում են, բայց երբեք չեն կարող կասկածի տակ դնել մեր ազնվությունը, ամենը զոհելու մեր պատրաստակամությունը:
Վիվա ռեվալուցիա», - գրել է Աշոտ Փաշինյանը:

Հիշեցնենք, որ ՀՀ երրորդ նախագահ Սերժ Սարգսյանը Փաշինյանի մասին ասել էր.

«Իր Աշոտիկին թող տա, փոխարենը 20-25 ռազմագերի հետ բերի»:


Տեղեկացնենք, որ EXCLUSIVElife.am-ը այս օրերին աշխատում է հատուկ ռեժիմով։ Մենք ներկայացնում ենք Հայաստանի և Արցախի «սահմանների ճշգրտման» կարևորագույն լուրերը միաժամանակ ներկայացնելով նորությունները հայկական շոու բիզնեսից։