«Հաղթանակս ուզում եմ նվիրել հայ զինվորներին». Սարո Գեւորգյանը` «Նոր Ալիք 2021»-ի բեմից
Օգոստոսի 25-ին Սոչիում կայացավ «Նոր Ալիք 2021»-ի ամփոփիչ համերգը, որի ընթացքում տարբեր մրցանակներ հանձնվեցին մասնակիցներին, ու պաշտոնապես հայտարարվեց հաղթողի անունը:
Ինչպես արդեն տեղեկացրել ենք` մրցույթը 267 միավորով հաղթել է Հայաստանի ներկայացուցիչ Սարո Գեւորգյանը` դառնալով բոլոր երեք մրցութային համերգների առաջատարը:
Որպես հաղթող՝ Սարոն ստացել է խորհրդանշական մրցանակն ու 3 ու կես միլիոն ռուբլի գումարային պարգեւ:
Մրցանակը ստանալիս` երգիչը շնորհակալություն է հայտնել իրեն աջակցողներին ու ժյուրիի անդամներին, իսկ վերջում խոնարհվել ու հավելել` «Այս հաղթանակս ուզում եմ նվիրել մեր հայ զինվորներին»:
