Լրահոս

Սոսո Պավլիաշվիլին խոստովանել է, որ դավաճանել է կնոջը




Երգիչ Սոսո Պավլիաշվիլին պատմել է, որ մինչ այժմ Աստծուց ներողություն է խնդրում առաջին կնոջը՝ Նինո Ուչանեյշվիլիին հաճախակի դավաճանելու համար: Այս մասին արտիստը պատմել է «Մարդու ճակատագիր» ծրագրի հաղորդավար Բորիս Կորչևնիկովին։



Իննսունականներին արտիստը հայտնիության ու փառքի գագաթնակետին էր եւ շատ սիրված կանանց կողմից։ Կատարողի շուրջ միշտ էլ շատ գայթակղություններ են եղել, եւ նա ընկղմվել է սիրային ինտրիգների մեջ։ Այսօր Պավլիաշվիլին ներողություն է խնդրում Նինոյից, որին շատ ցավ է պատճառել։

 
 «Դա իրապես ոչնչացնում է, ես դա ընդունում եմ։ Որովհետեւ դավաճանությունը դավաճանություն է։ Ես դավաճանել եմ Նինոյին։ Գիտակցում եմ դաեւ միշտ ներողություն եմ խնդրում Աստծուց այն ցավի համար, որը պատճառել են նրան։ Իհարկե, ես մեղավոր եմ։ Գեղեցիկ կանայք ինձ վերաբերվում էին ջերմությամբ եւ մեծ հետաքրքրությամբ։ Բայց հիմա այնքան էլ ջենթլմենին հարիր չէ շարունակել այս խոսակցությունը», - անկեղծացել է արտիստը։



Սոսո Պավլիաշվիլին եւ Նինո Ուչանեյշվիլին ամուսնալուծվել են 2003 թվականին՝ 18 տարվա ամուսնությունից հետո: Այս ամուսնությունից երգիչն ունի որդի։ Վերջին 20 տարիների ընթացքում երգիչը հարաբերություններ ունի երգչուհի Իրինա Պատլահի հետ, որը նրան երկու դուստր է պարգեւել։