Լրահոս

Արցախի դրոշով երիտասարդ ներխուժեց ԵԱ-ի բացման արարողության բեմ, անվտանգության աշխատակիցները հեռացրին. ՖՈՏՈ




Երեւանի Կարեն Դեմիրճյանի անվան մարզահամերգային համալիրում մեկնարկած բռնցքամարտի տղամարդկանց Եվրոպայի առաջնության բացման արարողության ընթացքում Հայաստանի վարչապետի խորհրդական Արային Հարությունյանի ողջույնի խոսքի ժամանակ երկու երիտասարդ ներխուժեցին բեմ եւ պարզեցին Հայաստանի ու Արցախի դրոշները։ Անվտանգության աշխատակիցներն անմիջապես հեռացրին ակտիվիստներին։

Արդեն տեղի է ունեցել 39 մասնակից երկրների պատվիրակությունների շքերթը։ Հայաստանի դրոշակակիրը Նարեկ Մանասյանն էր։

Մայիսի 22-30-ը Եվրոպայի 39 երկրի 219 բռնցքամարտիկ 13 քաշային կարգերում կպայքարի Եվրոպայի չեմպիոնի տիտղոսի համար: Հայաստանը ներկայացուցիչ ունի բոլոր քաշային կարգերում: Կարեն Աղամալյանի գլխավորությամբ Եվրոպայի առաջնությանը կմասնակցեն՝ Բարեղամ Հարությունյան (48 կգ), Արթուր Հովհաննիսյանը (51 կգ), Ջանիկ Սահակյան (54 կգ), Արթուր Բազեյան (57 կգ), Կարեն Տոնականյան (60 կգ), Հովհաննես Բաչկով (63,5 կգ), Գուրգեն Մադոյան (67 կգ), Նարեկ Զախարյան (71 կգ), Վախթանգ Հարությունյան (75 կգ), Համբարձում Հակոբյան (80 կգ), Ռաֆայել Հովհաննիսյան (86 կգ), Նարեկ Մանասյան (92 կգ) եւ Դավիթ Չալոյան (+92 կգ):

Մեզ կարող եք հետևել նաև Telegram-ում