Աղբյուր. Մխիթարյանը հրաժեշտ է տվել թիմակիցներին
«Ռոմայի» կիսապաշտպան Հենրիխ Մխիթարյանը շատ մոտ է Միլանի «Ինտերի» կազմը համալրելուն՝ տեղեկացնում է Corriere dello Sport-ը:
Իտալական պարբերականի տեղեկություններով՝ Մխիթարյանն «Ինտեր» տեղափոխվելուց առաջ հրաժեշտ է տվել թիմակիցներին:
Աղբյուրը նշում է նաև, որ Մխիթարյանն իր հեռանալու մասին խաղընկերներին և ակումբի ամբողջ անձնակազմին հայտնել է Կոնֆերենցիաների լիգայի հաղթական եզրափակիչից հետո:
Ավելի վաղ հաղորդվում էր, որ «Ինտերը» բանավոր համաձայնության է եկել 33-ամյա հայ կիսապաշտպանի հետ:
Հենրիխի՝ «Ռոմայի» հետ պայմանագիրը գործում է մինչև հունիսի 30-ը: Ավարտված մրցաշրջանում Մխիթարյանը «գայլերի» կազմում բոլոր մրցաշարերում մասնակցել է 44 հանդիպման, խփել 5 գոլ և կատարել 9 գոլային փոխանցում: