Խոակին Կապառոս. «Ուժեղ թիմի դեմ էինք խաղում ու 0-0 հաշվի ժամանակ գոլային պահեր ունեցանք»
Ֆուտբոլի Ազգերի լիգայի B դիվիզիոնի առաջին խմբի նախավերջին՝ 5-րդ տուրում Ուկրաինային 0-5 հաշվով պարտվելուց հետո Հայաստանի ազգային հավաքականի իսպանացի գլխավոր մարզիչ Խոակին Կապառոսը հետխաղյա մամուլի աուլիսի ընթացքում պատասխանեց լրագրողների հարցերին:
- Իսպանիայում 0-5 հաշվի դեպքում կարող ենք տեսնել սպիտակ թաշկինակներ: Չե՞ք պատրաստվում հրաժարական տալ:
- Պայմանագիրս գործում է մինչև նոյեմբերի 30-ը:
- Այնպիսի տպավորություն է, որ խաղային ձեռագիր չկա, գրոհները եզրափակող չունենք, գոլեր ենք բաց թողնում ու չենք կարողանում պատասխանել. ո՞րն պատճառը:
- Իրավացի եք՝ չկարողացանք պատասխանել մրցակցի գոլերին: Ուժեղ թիմի դեմ էինք խաղում ու 0-0 հաշվի ժամանակ գոլային պահեր ունեցանք: Խաղի հաշիվը չափազանց դաժան էր. մրցակիցը 5 անգամ մոտեցավ մեր դարպասին ու 5 գոլ խփեց: Սա նրանց բարձր կարգի մասին է խոսում: B դիվիզիոնում ուժեղ հավաքականներ են, դրա ապացույցն այն է, որ մյուս տարի այստեղ խաղալու է Անգլիայի հավաքականը: