The Best. Մեսին՝ 2022թ․ աշխարհի լավագույն ֆուտբոլիստ
Աշխարհի չեմպիոն Արգենտինայի հավաքականի ավագ, Ֆրանսիայի չեմպիոն ՊՍԺ-ի 35-ամյա հարձակվող Լիոնել Մեսին արժանացավ 2022թ․ աշխարհի լավագույն ֆուտբոլիստի The Best մրցանակին։
ՖԻՖԱ-ի վարկածով աշխարհի լավագույն ֆուտբոլիստի մրցանակին Մեսին արժանացել էր նաեւ 2009 եւ 2019 թվականներին։ Մեսին նաեւ «Ոսկե գնդակի» 7-ակի դափնեկիր է։
ՖԻՖԱ-ի ամենամյա մրցանակաբաշխությունն այժմ ընթանում է Փարիզում։
Լավագույն ֆուտբոլիստի մրցանակին հավակնում էին նաեւ աշխարհի փոխչեմպիոն Ֆրանսիայի հավաքականի եւ ՊՍԺ-ի հարձակվող Կիլիան Մբապեն ու Իսպանիայի չեմպիոն եւ Չեմպիոնների լիգայի գավաթակիր Մադրիդի «Ռեալի» ֆրանսիացի հարձակվող Քարիմ Բենզեման։
Լավագույն ֆուտբոլիստուհու մրցանակին արժանացավ Ալեքսյա Պուտելյասը («Բարսելոնա», Իսպանիա)։ Մրցանակին հավակնում էին նաեւ Բեթ Միդը («Արսենալ», Անգլիա) եւ Ալեքս Մորգանը («Սան Դիեգո Ուեյվ», ԱՄՆ)։
