51-ամյա դերասան Ջարեդ Լետոն մարտահրավեր է նետել տարիքին
Ըստ Լետոյի խոսքերի՝ սա այն է, ինչ նա նախընտրում է գաղտնի պահել։ «Ես լավ պատասխան ունեմ այս հարցին, բայց, հավանաբար, կլռեմ», - ասել է նա անցյալ տարի Men's Health US-ին: «Թող բոլորը գուշակեն։ Իրականում, դա այնքան էլ կարեւոր չէ»:
Բացատրություններից մեկը կարող է լինել նրա սննդակարգը: Լետոն վեգան է ավելի քան 20 տարի: Նա նաեւ նախկինում ասել է, որ մարզավիճակը պահպանելու համար զբաղվում է ժայռամագլցմամբ:
«Քսան տարի լինել բուսակեր/վեգան եւ հոգ տանել Ձեր մասին»,- մի անգամ ասել է Լետոն Rolling Stone ամսագրին։ «Հավանաբար ամեն ինչ կապված է քնի եւ դիետայի հետ»:
Ինչ էլ որ լինի, Thirty Seconds to Mars խմբի գլխավոր վոկալիստը չի պատրաստվում հանձնվել: Լետոն պատրաստվում է նկարահանվել 2010 թվականի «Գահ․ ժառանգություն» ֆիլմի առաջիկա շարունակությունում, որը գիտաֆանտաստիկ գործողությունների արկած է համակարգչային հաքերի մասին, ով առեւանգվում է թվային աշխարհ եւ ստիպված է լինում մասնակցել գլադիատորական մարտերի:
