LADANIVA-ն թողարկել է «Wayo Waya» նոր սինգլը
Ֆրանսահայ LADANIVA խումբը թողարկել է նոր` «Wayo Waya» սինգլը։ 22 ժամվա ընթացքում YouTube-ում երգը լսել է ավելի քան 22000 մարդ։
Տեսահոլովակ դեռ չի նկարահանվել, սակայն մեկնաբանություններում երկրպագուներն արդեն անհամբեր սպասում են ստեղծագործության տեսահոլովակին։
Երգչուհի Ժակլին Բանդասարյանը ստեղծագործությունը կատարում է հնդկական ոճով, իսկ մշակումը համակցում են ժողովրդական երաժշտության ավանդական նոտաները։ Կրկին լսում ենք կիթառի, հարվածային գործիքների, տրեցոտոկի եւ դասական շեփորի համադրությունը՝ դուետի այցեքարտը:
Դասական բոլիվուդյան դրամաներից հնդկականին նման երգելու ոճը եւ հին վեսթերնների մեքսիկական մոտիվներով մեղեդին անձնավորում են խմբի խայտաբղետությունը, որը հայտնի է նաեւ ոչ պակաս ցայտուն տեսահոլովակներով։
Երգի բառերը բարդ չեն, սակայն երաժշտական մշակումը միավորում է միանգամից մի քանի լարային ու հարվածային գործիքներ՝ ստեղծելով անսովոր համադրություններ։ Սակայն խմբի երկրպագուների համար այս համադրություններն արդեն բավականին հարազատ ու մտերիմ են դարձել։
Տեքստը գնահատելու կարիք չկա. սիրո, տան եւ ժամանակի անցողիկության մասին լիրիկական երգ։
Ավազի պես մեր մատների միջով սահող ժամանակն այնքան արագ է անցնում, որ երջանկության ետեւից ընկած մոռանում ենք վերադառնալ այնտեղ, որտեղ մեզ լավ ենք զգում: Երգչուհին հենց այս մասին է խոսում։ Տունը յուրաքանչյուր մարդու համար ամենաանդրդվելի վայրն է, իսկ տան մասին երգերը երբեք չեն կորցնում իրենց արդիականությունը:
