Ֆուտբոլիստ Էդգար Մանուչարյանը՝ դերասանուհի Լուսինե Կիրակոսյանի մասին
Հայաստանի ֆուտբոլի ազգային հավաքականի նախկին անդամ, ֆուտբոլիստ Էդգար Մանուչարյանն Ինստագրամի իր էջում գրառում է արել ՀՀ վաստակավոր արտիստ, դեասանուհի Լուսինե Կիրակոսյանի հետ հանդիպման մասին:
«Երեկ պատահական հանդիպեցի տկն Լուսինեին: Մեքենայի մեջ նստած ուղղակի հետևում էի, թե ինչպիսի եռանդով ու մեծ ցանկությամբ էր կերակրում անտուն կատուներին ու շներին: Ծանոթացանք, զրուցեցինք ու պարզվեց, որ իր աշխատավարձի կեսից ավելին (չնայած ես դա շատ մարդկանցից էի լսել) օգտագործում է՝ կերակրելով անտուն կենդանիներին, գիշերները չքնելով, ճաշ պատրաստելով, որ կերակրի անտուն կենդանիներին ու դա անում է ամեն օր: Ինձ ճանաչողները գիտեն իմ սերը կենդանիների հանդեպ ու շատ տպավորվեցի տկն Լուսինեով: Բացի լավ դերասանուհի լինելը, նա ինձ համար մեծ մարդ է, շատ քիչ մարդ կհասկանա իմ գրածը: Բայց մարդ եղեք ու սիրեք կենդանիներին»,- գրել է նա:
