Անմոռանալի հույզեր… ․ այն ամենն, ինչ կմնա ԴԴՏ-ի երևանյան համերգից հետո

Հունիսի 14-ին, ժամը 20:00-ին տեղի կունենա ռուսական կուլտային «ԴԴՏ» ռոք խմբի համերգը, որը կլինի միակը տարածաշրջանում և տեղի կունենա Հայաստանի ամենամեծ հարթակում՝ Կարեն Դեմիրճյանի անվան մարզահամերգային համալիրում: Խմբի երկրպագուները կվայելեն ինչպես հայտնի ու սիրված ստեղծագործություններ, այնպես էլ նոր երգեր:

Համերգը, որով խումբը հանդես կգա Երևանում, առանձնահատուկ է, քանի որ 2020 թվականից հյուրախաղեր և մեծ համերգներ չի ունեցել։

«ԴԴՏ» ռուսական կուլտային խումբ է, առանց որի անհնար է պատկերացնել ռուսական ռոքը որպես երևույթ: Խումբը կազմվել է 1980 թվականին՝ Յուրի Շևչուկի նախաձեռնությամբ։ Այդ ժամանակներից ի վեր նրա երգերը՝ «Ինչ է աշունը», «Ես գնում եմ հայրենիք», «Մի՛ կրակիր» և շատ ուրիշներ տասնամյակներ շարունակ միավորում են սերունդներին՝ մշտապես ներկայացնելով ազատ ստեղծագործության և մարդկանց հանդեպ անկեղծ սիրո օրինակ։

«ԴԴՏ»-ի ներկայացումները հանդիսանում են դիտարժան տեսողական կենդանի շոուի և երաժշտության որակի նշան, զարմանալի ու ցնցող իրենց ուժով և մթնոլորտի անկեղծությամբ։

Իսկ դուք գիտե՞ք, թե ինչ իմաստ է կոդավորված 3 տառերում

Ինչո՞ւ «ԴԴՏ» և ի՞նչ է այն նշանակում: Սա քիմիական նյութի հապավում է, թունաքիմիկատների անուն, որն օգտագործվում է միջատների դեմ պայքարելու համար՝ բայց, ինչպես պարզվեց, ամենևին էլ կատարյալ չէ։ Անվան մեջ երկիմաստություն է դրված։

Խմբի անփոփոխ անդամը՝ Յուրի Շևչուկը «ԴԴՏ» խմբի առաջնորդն ու միակ մշտական մասնակիցը: Երգերի մեծ մասը ինքն է գրել։ Խմբի ողջ պատմության ընթացքում փոխվել է մոտ 18 մասնակից ՝ երգիչներից մինչև բաս- կիթառահարներ։

Ամենաաստղային երգը

Խոսքը «Ինչ է աշունը» երգի մասին է։ Երգի թողարկումից և դրա աննախադեպ ժողովրդականությունից հետո երաժիշտները վախենում էին, որ կդառնան մեկ հիթի պատանդ, ուստի «ԴԴՏ» - ն նույնիսկ որոշ ժամանակ հատուկ չի կատարել այն։

25 000 000 ռուբլի երկրպագուները հավաքել են նոր ալբոմի համար

Իր գործունեության 42 տարիների ընթացքում «ԴԴՏ» խումբը թողարկել է 21 ստուդիական ալբոմ։ Դրանցից վերջինը ՝ «Ստեղծագործությունը դատարկության մեջ», թողարկվել է 2021 թվականին, և դրա համար գումար են նվիրաբերել խմբի երկրպագուները։ Ընդամենը երեք ամսվա ընթացքում քրաուդֆանդինգային հարթակում հաջողվել է հավաքել 25 միլիոն ռուբլուց մի փոքր ավելին՝ ռեկորդային գումար, որը խմբերը երբևէ հավաքել են այս եղանակով:

Հրաժարվել են կինոյում խաղալ

«ԴԴՏ» - ն պետք է նկարահանվեր «Եղբայր -2» ֆիլմում և կատարեր «Մի կրակիր» երգը, սակայն նրանց փոխարեն ժապավենում հայտնվեցին "Բի-2"խմբի ելույթի կադրերը։ Յուրի Շեևչուկն ավելի ուշ ռեժիսոր Բալաբանովի հետ համագործակցությունից հրաժարվելը բացատրել է նրանով, որ իրեն դուր չի եկել ֆիլմի սցենարը։

Այժմ «ԴԴՏ» խումբը նախքինի պես հայտնի է, հավաքում է լեփ-լեցուն մարզադաշտեր՝ ելույթ ունենալով ոչ միայն Ռուսաստանում, այլև նրա սահմաններից դուրս: Այս ընթացքում խումբը թողարկել է երկու ստուդիական ալբոմ ՝ «Ստեղծագործությունը դատարկության մեջ» և «Ստեղծագործությունը դատարկության մեջ – 2», ինչպես նաև Յուրի Շևչուկը երաժիշտ Դմիտրի Եմելյանովի հետ միասին թողարկել է «Գայլերը հրաձգարանում» ձայնասկավառակը։

Համերգի կազմակերպիչն է «Киноклуб Ереван»-ը։

Տոմսերը՝ move2armenia.am կայքում