«Երևան Մոլը» ժամանակավորապես դադարեցնում է աշխատանքը. կգործի միայն Քարֆուրը
«Մեզ համար առաջնային եւ բիզնես շահերից վեր են մեր աշխատակիցների, հաճախորդների եւ վարձակալների անվտանգությունն ու առողջությունը: Կոչ ենք անում հանրային այլ վայրերին եւս գործել այս կերպ՝ վարակի տարածմանը չնպաստելու համար»,- ասել է «Երեւան Մոլի» գլխավոր տնօրեն Վազրիկ Սեկոյանը։
Չեն գործելու նաեւ «Երևան Մոլի» կազմում գտնվող «Կինոպարկ» կինոթատրոնը եւ «Նավապետ Քիդ» զվարճանքի կենտրոնը։
Ինչպես նշված է մոլի տարածած հաղորդագրությունում՝ այս որոշման արդյունքում չի անտեսվելու նաեւ իր տարածքում գործող վարձակալների գործարար բարօրությունը եւ հատուկ հոգածության միջոցներ կձեռնարկվեն նաեւ այդ ուղղությամբ։
«Երեւան Մոլի» վերաբացման կամ անհրաժեշտության դեպքում փակ լինելու ժամկետի երկարաձգման մասին կտեղեկացվի լրացուցիչ։