Պորտուգալիայում ձյուն է տեղացել

Պորտուգալիայում անժամանակ ձյուն է տեղացել, հայտնում է Electrovers լրատվականը և հավելում, որ օդի ջերմաստիճանը այս ամսի նորմայից ցածր է 12 աստիճանով:

Ձյան զգալի տեղումներ են գրանցվել հանրապետության բոլոր բարձր կետերում, ինչպես նաև Գերեսի շրջանում։ Ձյունը ծածկել է Պորտուգալիայի կենտրոնական մասում գտնվող Տորե լեռան գագաթը և տեղի իշխանությունները հայտարարել են այն մագլցելու համար փակելու մասին:

Վիլա Փուքե դե Ագիարի քաղաքապետարանը բնակչությանը կոչ է արել մնալ տանը։